မြန်မာ့ဆက်သွယ်ရေးလုပ်ငန်း၏ ၀န်ဆောင်မှုအသုံးပြုသူ ၁၃ သန်းဝန်းကျင်ရှိလာ

မြန်မာ့ဆက်သွယ်ရေးလုပ်ငန်း၏ ၀န်ဆောင်မှုအသုံးပြုသူအရေအတွက် ၁၃ သန်းနီးပါးရှိလာပြီဖြစ်ကြောင်းသိရသည်။

                    မြန်မာ့ဆက်သွယ်ရေးလုပ်ငန်းနှင့် ပူးပေါင်းလုပ်ဆောင်နေသော KDDI-SUMITOMO Joint operation ၏ အမှုဆောင်အရာရှိချုပ် Mr.Takashi NAGASHIMA က “   MPT အနေနဲ့ကအရင်အသုံးပြုသူဦးရေ ၆သန်းရှိတာကနေ အခု KDDI-SUMITOMO နဲ့ Joint operation လုပ်ပြီးတဲ့နောက်မှာအသုံးပြုတဲ့သူ ၇ သန်းထပ်တိုးလာတယ်။ အခုလက်ရှိသုံးစွဲသူဦးရေက ၁၃သန်း ၀န်းကျင်ရှိနေပါတယ်” ဟုပြောသည်။

“အော်ပရေတာတွေ အပြိုင်ပေါ်လာတာတော့ဟုတ်တယ်။ ဒါပေမယ့်သုံးစွဲသူတွေက MPT ဆင်းကတ်ကိုလဲအပြိုင်သုံးနေတာပါပဲ ၊ ဒါကြောင့် စာရင်းအရတော့သိသိသာသာလျော့သွားတာမျိုးမရှိဘူး။ အပြိုင်တွေဖြစ်လာလို့လည်း MPT ဘက်ကနေ နက်ဝေါ့ချဲ့တာတို့ ဈေးနှုန်းလျော့တာတို့၊ ဘောနပ်စ်ပေးတာတို့တွေကိုအခါအားလျော်စွာလုပ်ပေးနေတာပါ။ ပြီးတော့ အင်တာနက်ပိုင်းတွေကအစ ၀န်ဆောင်မှုပိုကောင်းလာအောင် ဈေးနှုန်းပိုင်းမှာလည်းယှဉ်ပြီးသုံးရင် အဆင်ပြေအောင် အမြဲတမ်းဈေးကွက်လေ့လာမှုတွေလုပ်ပြီး ပြည်သူတွေရဲ့ ကွန်ပလိန်းကိုလည်းအမြဲတမ်းနားစွင့်နေပါတယ်” ဟုMr.Takashi NAGASHIMA ကဆိုပါသည်။

                   မြန်မာ့ဆက်သွယ်ရေးလုပ်ငန်းမှ ယခင်ထုတ်လုပ်ခဲ့သောCDMA 450 နှင့် 800  သုံးစွဲသူများမှ ၀န်ဆောင်မှုအသစ်ဖြစ်သောဆွေသဟာသို့ပြောင်းလဲအသုံးပြုလာခြင်းများရှိနေပြီးအချိန်နှင့် အမျှဆင်းကတ်အပြောင်းအလဲပြုလုပ်နေခြင်းကြောင့် ဆင်းကတ်အမျိုးအစားတစ်ခုခြင်းအလိုက် မည်မျှအသုံးပြုနေသည်ကိုအတိအကျထုတ်ပြန်ရန် ခက်ခဲကြောင်းလည်းသိရသည်။

                  “ တစ်ခုပြောနိုင်တာကတော့ ဆွေသဟာဝန်ဆောင်မှုအသုံးပြုတဲ့သူက လက်ရှိ MPT အသုံးပြုနေသူအားလုံးရဲ့ ထက်ဝက်ကျော်ရှိနေပါတယ်။ CDMA 450 တို့ 800 တို့ကထပ်မချပေးဘူးဆိုပေမယ့် အရင်စာရင်းကအခုမမှန်တော့ပါဘူး။ ဘာလို့လဲဆိုတော့ CDMA customer တွေကတစ်ခြားဆင်းကတ်တွေကိုပြောင်းသုံးနေတာတွေရှိတော့ အရင်စာရင်းတော့ မဟုတ်တော့ပါဘူး။ ကျွန်တော်တို့ကတော့ လက်ရှိသုံးနေတဲ့ ပျမ်းမျှဆင်းကတ်အရေအတွက်ကိုပဲပြောနိုင်ပါတယ်။ ကျန်တာကတော့ စာရင်းအတိအကျပြောဖို့ခက်တယ်” ဟုလည်းMr.Takashi NAGASHIMA ကရှင်းပြပါသည်။

၂၀၁၅ မတ်လကုန်အထိ ပြည်တွင်းပထ၀ီအနေအထားအရ နိုင်ငံ၏ ၇၀% နီးပါးအား MPT နက်ဝေါ့လွှမ်းခြုံထားနိုင်ပြီဖြစ်ပြီးလူဦးရေအရတိုင်းပြည်လူဦးရေ၏ ၉၀% ကျော်ရောက်ရှိပြီဖြစ်ကြောင်းသိရသည်။၂၀၁၆ မတ်လကုန်ပိုင်းတွင် လက်ရှိရှိနေတဲ့ တာဝါတိုင် ၂၅၀၀ ရဲ့ ၂ဆ ဖြစ်တဲ့ တာဝါတိုင် ၅၀၀၀ နီးပါးအထိ် ရှိလာဖို့ အစီအစဉ်ဆွဲထားကြောင်း မြန်မာ့ဆက်သွယ်ရေးလုပ်ငန်းမှ သတင်းထုတ်ပြန်ပါသည်။ 

-----------------

ရဲလင်းလင်းသန်း

Posted in: